Struja j'' poskupela

Ovo je štorija o barba Franu i teti Ruži ki su bili naši susedi. I kako bi rekla moja nona "Bog ih pomiluj" već su puno let pokojni.

Kad bi bili lipi dani, barba Fran bi se rano stal, sel pred kuću, popil kafe i popušil cigaret. To jutro Ruža je šla va butigu kupit kruh i novinu. Usput je pročitala da je poskupela struja. To ju je jako najadilo aš je bila fanj škrta i škrbna, vavik je pazila na svaki dinar.

Kad je došla doma i videla Franu kako blaženo sidi i puši z sega glasa je zavapila:

"Frane, ti prokljeto bilo! Si te vrazi zeli! Struja j' poskupeča a ti pušiš!"

A Fran će njoj na to:

"A je, Ružo, ča se jediš? Tr ne pušin na struju!"

I mirno j' pripalil još jedan cigaret.


Ivan Martinčić
6. a
Osnovna škola Podmurvice - Rijeka
Rijeka

Dodano: December 13th 2009
Reviewer: Milan Stojanovic
Bodova:
Klikova: 312
Jezik: english_kemija